大公司用 ERP、有成隊 IT；小店老闆通常靠 Excel、手機訊息同自己把口。店助手將大公司嗰套管理方法縮細、整平，變成每月 $100 嘅雲端軟件服務：你唔使買機、唔使請 IT、唔使學新軟件，我哋幫你設定好，你同員工用手機就用得。
揀你需要嘅部分開始用，之後隨時再加。
每位員工一條專屬連結，手機打開就睇到自己更表同假期結餘。你一改更表，佢哋即刻見到；系統自動提你邊日有分店冇人開。
員工收工喺手機填數，一撳就開相機影單據，交咗即刻通知你。截數時間仲有人未交，系統自動提你。
每日自動核對：全店數＝各員工加埋、單數×價錢＝營業額、同電子支付／銀行收款記錄對返。有問題先通知你，冇問題你唔使理。
月尾自動出人工表：抽成、例假、年假、補假、假期返工津貼，按你間舖嘅規矩計，你核對一次就得。
師傅／員工用自己嘅專屬連結上載作品相或短片，寫埋客人原本嘅問題同點樣解決；老闆批准先會放上舖頭網站，網站唔設留言區。
每間分店一版網頁，有地址、營業時間、價錢；幫你整理 Google 商家檔案，令客人搵得到你。
用你舖頭現有嘅閉路電視自動數客流，同員工報數互相對照。需要先評估鏡頭位置。
店助手唔係紙上談兵：每一樣功能都係先喺我哋自己經營嘅連鎖店做出嚟、每日真實運作，先至拎出嚟幫其他老闆。
上門或者視像同你傾，設定由我哋做。
講你間舖點運作：幾多員工、點收數、點計人工。
我哋按你嘅做法設定好系統，唔使你改習慣。
員工只需要用手機打開一條連結，教一次就識。
規矩有變、有新需要，講一聲就幫你改。
用得。設定由我哋做，你同員工只係用手機打開連結。
唔使。員工用 WhatsApp、微信或者手機瀏覽器打開專屬連結就得。
有員工、要收數、要排更嘅小店都啱，例如餐飲、零售、美容、髮廊、補習社、洗衣、維修等服務業。一間舖或者幾間分店都得。
現成軟件要你遷就佢嘅做法，仲要自己學、自己設定。店助手係按你間舖本身嘅規矩度身設定，有改動同我哋講就得。
唔係收銀機，唔使買機。員工收工用手機報數，系統再同電子支付／銀行收款記錄自動對數，幫你核對每日營業額。
核心服務月費澳門 MOP 100／香港 HK$100，冇安裝費、冇年約。澳門、香港都可以服務，諮詢免費。舖頭網站、鏡頭數客等進階功能另外報價。
每位員工連結都係專用，只會見到自己嘅資料。具體存放方式可以喺諮詢時按你需要安排。
可以。月費制、冇年約，按月取消。
留低資料，我哋會盡快聯絡你，傾吓邊啲嘢可以幫你自動化。